يا الشعر ما جيتـك ادوّر مكاسيـب ....يغنينـي الله عـن طمـانٍ رقيـتـه

السلام عليكم ورحمه الله وبركاته

اسعد الله اوقاتكم بكل خير
*

... قصيدة أعجبتني ...
.
لشاعر ثامر شبيب

اتمنا تنال اعجابكم....


يا الشعر ما جيتـك ادوّر مكاسيـب
............ يغنينـي الله عـن طمـانٍ رقيـتـه
البارحه ضاقت وجيـه الاصاحيـب
............ البارحـه مـا باقـي شـيٍ خفيتـه
فـي ليلـهٍ كـلٍ يـدور معازيـب
............ خليـت بيبـان الامـاره وجيـتـه
سقت الركايب فوق روس المراقيب
............ ولا وقـفٍ إلا علـى بـاب بيـتـه
بيت الفقير اللي مضرا على الطيب
............ تراه اكرم شخـص لامـن نصيتـه
يعطيك من قلبه قبل مـدة الجييـب
............ يحس فـي قيمتـك واللـي بغيتـه
اليا خذا منك ذكـر طيبـك بغيـب
............ واليا عطا مـا قـال: هـذا عطيتـه
ماجيته اشكي قل مـال ومواجيـب
............ جيته ادوّر شي (( ابيـه ولقيتـه ))
جيته احس اني من الضيق مانيـب
............ قادر ارد مـن النفـس مـا خذيتـه
مرت ثلاث سنين شعـر ومكاتيـب
............ في درب ما احبـه ولكـن مشيتـه
في عيون جمهوري وعشاقي مصيب
............ وفي عيني اكبر ذنب ذنـبٍ جنيتـه
اصبحت شاعر له حفاوه وترحيـب
............ كسبت فوق اللي حسبـت وهقيتـه
لكن خسرت انسان خالي من العيب
............ والمشكله انه ما جفانـي .. جفيتـه
انسان غير وشفت غيـره عذاريـب
............ انسان يـوم انـي خسرتـه بكيتـه
لو القصيد اللي خذا قربـه يجيـب
............ بعـت القصايـد كلهـا واشتريتـه
يالشعر لا ياناس روحـوا مناديـب
............ عندي كلام ارتـاح لامـن حكيتـه
قولوله: اني مانـي بقـادر اغيـب
............ البعـد عنـه هدنـي مـا قويـتـه
قولوله: اني عفت كـل الرعابيـب
............ الشاهـد الله مـا عشقـت ونسيتـه
قولوله: ارجع للضلوع المصاويـب
............ للحيـن ترجـي مـا بنـاه وبنيتـه
الشمس وهي الشمس كل ليله تغيب
............ وشلـون مـا يعذرغيابـي فديـتـه
وكانه قبل عذري فدتـه المعازيـب
............ والشعر كلـه مـا كتبـت وقريتـه




تحياتي لكم..

دعاني الشوق



قصيده رائعه





ومشكور وما قصرت



في إنتضار جديدك


تحياتي

مرحبااابكم جميع وتسلمون على الطله العذبه

هذا من ذوقكم الراقي

العفوووووو

يسلمووووووووو على المررور